Marrëdhënia e Fifit dhe Taynës në 2018 ishte kryefjalë e mediave. Dy artistet kanë pasur një përplasje mes tyre.
Gjithçka filloi në nisje të karrierës së Taynës, ku vajzat shpesh i bënë ‘disse’ njëra-tjetrës nëpër këngë, u thumbuan në rrjetet sociale e po ashtu kanë bërë deklarata të pakëndshme për njëra-tjetrën në intervista.
Megjithatë, nuk thonë kot “e shkuar e harruar”, pasi së fundmi ato kanë hedhur pas çdo mëri. Në fakt prej kohësh ato kanë lënë pas përplasjet, por së fundmi kanë mbështetur njëra-tjetrën në rrjetet sociale, duke surprizuar jo pak fansat.
Fifi ka ndarë sot në Instastory intron e albumit të Taynës, “Heroinat”, duke shkruar “Fuqia e grave”. E pak minuta më pas, të njëjtën gjë ka bërë edhe Tayna duke i publikuar në Instagram demon e këngës “Diell” që u publikua sot nga Fifi në Youtube.
Padyshim, të gjitha janë të kënaqur kur artistët e sidomos vajzat mbështesin njëra-tjetrën dhe lënë pas çdo gjë jo të bukur. Le të shpresojmë për një bashkëpunim tani.
Discussion about this post