Punëtori humb jetën, arrestohet pronari në Greqi

Pronari i një biznesi në Greqi është arrestuar pasi një punonjës i tij humbi jetën, teksa punonte për orë të tëra në diell.

Ngjarja ndodhi të enjten rreth orës 16:55. Viktima u mor nga ambulanca pas 6 minutash dhe u dërgua në spital, por s’mundi të mbijetonte.

46-vjeçari kishte dhe disa sëmundje shoqëruese dhe shkaku i vdekjes së tij është “arrest kardiorespirator pas ekspozimit ndaj temperaturës shumë të lartë”.

Ende familjarët janë në pritje të autopsisë në mënyrë që të përcaktohen shkaqet përfundimtare të vdekjes.

Viktima nuk kishte një punë të qëndrueshme, ai bënte punë të ndryshme aty ku mundej.