Real Madridi vazhdon të punojë për largimin e disa lojtarëve të rinj. Me këtë rast, skuadra e Gerard Piqué, FC Andorra, ka marrë shërbimet e një anësori të talentuar nga Real Madrid Castilla.
Operacionet në dalje vazhdojnë në ekipin e Raul Gonzalez dhe pas lajmërimit të largimit të Carlos Dotor, i radhës do të jetëai i Álvaro Martín. Anësori Merengue ka vulosur transferimin e tij te FC Andorra për tre sezonet e ardhshme, sipas gazetarit César Luis Merlo.
Skuadra e Gerard Piqué përforcon skuadrën e saj me një nga lojtarët më të dalluar te ekipi “B” i Realit, i drejtuar nga legjenda Raúl, gjatë sezonit të kaluar. Álvaro Martín do të nënshkruajë deri në vitin 2026 dhe Real Madrid do të mbajë 50% të të drejtave të tij të rishitjes eventuale në të ardhmen.
Martin, te skuadra e të rinjve të Madridit luajti 40 ndeshje sezonin e kaluar, duke shënuar nëntë gola dhe duke shpërndarë gjashtë asistime. Padyshim një nga figurat më të rëndësishme në skemën e Raulit dhe që do t’i japë lamtumirën ekipit për të përparuar më shumë në zhvillimin e tij si futbollist.
“Los Blancos” vijojnë me shitjen e talenteve nga “La Fabrica”, me lojtarë si Sergio Arribas, Rafa Marín apo Peter Federico kanë kërkuar gjithashtu të largohen dhe janë në kërkim të një destinacioni të ri.
Raul do të duhet të përballet me një rimodelim të skuadrës së tij pasi futbollistët më të rëndësishëm të kenë thënë lamtumirën.
Discussion about this post