Partia Socialiste do të mbledhë Asamblenë Kombëtare më 26 korrik, ora 17:30.
E ndërsa është caktuar data dhe ora e mbledhjes, nuk bëhet e ditur se çfarë do të diskutohet në mbledhjen e Asamblesë.
“Përshëndetje! Ju njoftojmë se ditën e Mërkurë dt. 26 Korrik 2023, ora 17:30, në mjediset e Xibrakut do të zhvillohet mbledhja e Asamblesë Kombëtare. Ju lutem konfirmoni prezencën. Faleminderit!”- thuhet në mesazh.
Mbledhja e Asamblesë Kombëtare të PS-së vjen në një kohë kur Kuvendi ka mbyllur sesionin parlamentar, por socialistët duhet të caktojnë se kush do të jetë kreu i Grupit Parlamentar, pas emërimit të Taulant Ballës si ministër i Brendshëm.
Mbledhja zhvillohet në një kohë kur Qeveria është përfshirë nga një seri skandalesh, ku më i rëndi mbetet afera e inceneratorëve. SPAK ka kërkuar arrestimin e ish-zv,Kryeministrit Arben Ahmetaj, i cili ndodhet në arrati, ndërsa shumë zyrtarë të tjerë socialistë janë në fazë verifikimi apo hetimi nga Prokuroria Speciale, pikërisht për këtë aferë.
Kjo është mbledhja e parë që socialistët do të zhvillojnë pas zgjedhjeve të 14 majit.
Gjatë mbledhjes pritet të zhvillohet analiza e zgjedhjeve të 14 majit, si dhe analiza për punën e çdo Ministrie dhe të strukturave të përtisë.
Nuk dihet nëse analiza do të pasohet nga ndryshime në Qeveri, si dhe në emrat që sot mbajnë funksionet e drejtuesve të PS në qarqe.
Discussion about this post