Zjarr në kuvertën e anijes në Durrës, rrezikohej shpërthimi i …

Një anije është përfshirë nga flakët ditën e djeshme në portin e Durrësit.

Bëhet me dije se zjarri ka rënë për shkak të punimeve të riparimeve që po bëhen në port.

Forcat zjarrfikëse  kanë shkuar menjëherë në vendngjarje, duke bërë të mundur neutralizimin dhe  shuarjen e flakëve.

Burimet bëjnë me dije se ngjarja ka ndodhur në ish-kantierin detar në portin e Durrësit, në mjediset e brendshme dhe në kuvertën e një anije, ku është dashur ndërhyrja e 3 mjeteve zjarrfikëse për të shuar flakët.

Por atëherë kur u mendua se zjarri ishte shuar, një vatër aktive shpërtheu në flakë sërish pas  30 minutash.

Ndërsa zjarrfikësit rindërhynë dhe zjarri u shua, duke bërë të mundur që asnjë njeri të mos lëndohej.

Rreziku i shpërthimit të anijes ishte i madh për shkak të presionit të gazrave të grumbulluar në mjediset e brendshme por edhe për shkak të vapës së madhe.

Ende nuk ka një raport për shkakun e zjarrit por mendohet se është nxitur nga ndonjë shkëndijë elektrike nga saldatriçja që mund të ketë ndezur lëndën përzjerëse të bojës së vajit.