Një avion i vogël privat është përplasur në çatinë e një banese në Teksas të dielën pasdite.
Përplasja, sipas raportimeve të mediave lokale, ndodhi pasdite pranë Aeroportit Georgetown teksa piloti i cili kishte në bordin e mjetit fluturues edhe dy persona të tjerë, po tentonte të bënte uljen.
Tashmë autoritetet në vend kanë hapur një hetim për të zbuluar sesi u përplas aeroplani me një motor.
Personat në bor, një burrë dhe dy gra, i mbijetuan përplasjes duke marrë vetëm disa plagë të lehta.
Aeroplani ishte nisur nga Kerrville dhe po i afrohej fundit të udhëtimit të tij kur papritmas nisi të humbiste lartësi dhe u përplas në çatinë e banesës.
Edhe përgjatë mbrëmjes të së dielës, mbetjet e aeroplanit mund të shiheshin në çatinë e shtëpisë ku ndodhi aksidenti. Autoritetet nisën punën të hënën për ta larguar mjetin fluturues pa bërë dëme të mëtejshme.
Discussion about this post