Max Verstappen fitoi Çmimin e Madh të Hungarisë, duke vendosur diktatin në Formula 1. Edhe pse ishte i dyti në nisje, kampioni në fuqi i botës kaloi Hamiltonin që në kthesën e parë dhe më pas nuk e lëshoi pozitën, për suksesin e shtatë radhazi.
Duket se Verstappen po shkon drejt suksesit të tretë si kampion bote në F1, teksa ka vendosur “diktatin” në garat e shpejtësisë. Me dy pilotë që mbajnë kreun, edhe për konstruktorë Red Bull prin me 452 pikë, me 11 fitore dhe 17 podiume këtë sezon. Shumë pas Mercedes, që me 233 pikë mban pozitën e dytë.
Në garën e së dielës për t’u evidentuar edhe një incident, që solli humor mes pilotëve. Të ndodhur në podium për çmimet, Lando Norris që u rendit i dyti, theu pa qëllim trofeun e Max Verstappen. Duke hapur shishen e shampanjës, Norris përplasi fort tavolinën, çka bëri që edhe tofeu të rrëzohej dhe të thyhej.
Discussion about this post