Pas kërkesës së 7 deputetëve demokratë për të pezulluar zgjedhjet e 29 korrikut, Sekretari i Përgjithshëm i PD-së së vulës, Gazment Bardhi ka vendosur të thërrasë mbledhjen e Këshillit Kombëtar të PD ditën e enjte në orën 19.00.
Bardhi ka thirrur mbledhjen bazuar në kompetencat që i njeh statuti, që kur partia është pa kryetar.
Statuti parashikon se është Sekretari i Përgjithshëm ai që ka të drejtën të thërrasë mbledhjen e Këshillit Kombëtar.
Mbledhja e Këshillit Kombëtar parashikohet të zhvillohet online dhe për organizimin e saj Sekretari i Përgjithshëm ka ngarkuar Sekretariatin e Këshillit Kombëtar.
“Sekretari i Përgjithshëm i PD ka vendosur të thërrasë mbledhjen e Këshillit Kombëtar të PD ditën e enjte, datë 27 korrik 2023, ora 19.00.
Bardhi ka thirrur mbledhjen bazuar në kompetencat që i njeh statuti, që kur partia është pa kryetar, statuti parashikon që është Sekretari i Përgjithshëm ai që ka të drejtën të thërrasë mbledhjen e Këshillit Kombëtar.
Mbledhja e Këshillit Kombëtar parashikohet të zhvillohet online dhe për organizimin e saj Sekretari i Përgjithshëm ka ngarkuar Sekretariatin e Këshillit Kombëtar”, thuhet në njoftimin zyrtar.
Partia Demokratike zyrtare vijon të prodhojë histori përplasjesh, ndërsa Lulzim Basha po kërkon të marrë drejtimin e saj me çdo çmim.
Së fundmi një vendim i Kryesisë së PD-së zyrtare i ka hequr të drejtën e vulës Gazment Bardhit, Sekretar i Përgjithshëm.
Me propozim të 1/5 së anëtarëve, kryesia ka vendosur që të ngarkohet Sekretari për Çështjet Ligjore dhe Zgjedhore, Indrit Sefa për prodhimin dhe administrimin e vulës së partisë.
Discussion about this post