Raportohet për vonesa në fluturimin Tiranë-Athinë të kompanisë Wizz Air. Mësohet se pasagjerët pritën 12 orë në aeroportin e Rinasit.
Avioni i kompanisë Wizz Air duhet të nisej nga Tirana drejt Athinës në orën 22:40. Disa prej pasagjerëve janë dërguar mbrëmë nëpër hotelet e zonës së Rinasit, por nuk ka pasur dhoma. Për këtë arsye ata janë rikthyer sërish në aeroport.
Pasagjerët kanë hipur në bord këtë të martë rreth orës 11:30.
Mes pasagjerëve ka pasur edhe të sëmurë me dializë që duhej të udhëtonin sa më shpejt. Kështu janë shprehur disa prej udhëtarëve për Klan News që kanë treguar se deri më tani nuk është dhënë asnjë sqarim nga kompania për vonesën.
“Fjetëm në stolat e aeroportit, nuk na dhanë informacione për vonesën. Mes pasagjerëve kishim edhe grua të sëmurë me dializë që duhej të udhëtonte sa më shpejt”, është shprehur një prej tyre
Discussion about this post