Zjarret në Fier, Haki Çako: Situatë problematike

Haki Çako, kreu i Emergjencave Civile, e konsideroi problematike situatën e zjarreve në qarkun e Fierit.

Në një deklaratë të mediat ai ka pohuar se deri dje zjarri në Frakull dhe Kraps ka qenë në kontroll, por sot situata paraqitet më problematike.

Ai tha se nuk ka dëme në njerëz, ndërsa shtoi se janë djegur vetëm dy godina të pabanuara.

“Është dita e katërt që zjarret kanë përfshirë zonën pyjore të Frakullës dhe Krapsit. Është një zjarr masiv që sot ka marrë përmasa, megjithëse gjatë ditës së djeshme e kishim në kontroll.  deri tani nuk kemi pasur dëme në njerëz, janë dëmtuar dy godina të braktisura”, tha ai.

Ndërkohë një tjetër vatër zjarri raportohet në zonën e Kreshpanit, si dhe për një zjarr në Ndërnenas pranë një kabine elektrik. Në ndihmë të forcave zjarrfikëse po shkojnë dhe ushtarë të Forcave të Armatosura.

Mësohet se këto të fundit janë nisur në drejtim të vatrës kryesore në Kraps.