Emri/ Kush është 32-vjeçari që solli vërdallë policinë me makinat…

Një 32-vjeçar u arrestua sot nga Policia për dy episode ku ai u përfshi brenda pak orësh.

Fillimisht policia u njoftua për një aksident, drejtuesi i mjetit shkoi në spital për mjekim, ndërsa nga verifikimi rezultoi se automjeti i aksidentuar ishte i vjedhur.

E ndërsa policia verifkonte mbi mjetin, 32-vjeçari, lë ambientet e spitalit dhe vjedh një tjetër automjet, me të cilin sërisht aksidentohet, dhe në fund arrestohet nga policia. Automjeti i dytë që 32-vjeçari vodhi ishte një furgon.

“Në momentin që është larguar, në parkingun e spitalit, ka vjedhur një automjet tjetër tip “Ford”.

Më pas, shërbimet e Komisariatit të Policisë Nr. 3, të Komisariatit Nr. 4, të Forcës së Posaçme “Shqiponja” dhe shërbimet e Qarkullimit Rrugor, janë vënë në ndjekje të tij.

Gjatë tentativës për tu larguar, në autostradën Tiranë-Durrës, shtetasi F. F., ka humbur kontrollin mbi drejtimin e mjetit, dhe si pasojë automjeti është përplasur me disa automjete të tjera.

Në vijim të veprimeve u bë arrestimi i 32 vjeçarit, dhe materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedural”, njoftoi policia.

Po kush është 32-vjeçari?

Ai është identifikuar si Florjan Fejza, për të cilin policia në njoftimin zyrtar ngriti dyshimin se kishte probleme të shëndetit mendor.

Por sipas raportimeve 32-vjeçari vuan nga epilepsia, ndërkohë që ishte në gjendje të dehur kur ka kryer vjedhjen e makinave. Nuk dihet pse 32-vjeçari ndërmori dy aktet e vjedhjes së makinave.