VIDEO/ Asgjesohen 4941 bimë kanabis në Krujë

Policia ka asgjësuar 4941 bimë kanabis të kultivura në zona të pyllëzuara dhe terrene të vështira malore në zonën e Krujës.

Policia njoftoi se shërbimet e Komisariatit të Policisë Krujë, ato të Drejtorisë Vendore të Policisë Tiranë, me mbështetjen e FNSH Tiranë dhe në bashkëpunim me Agjencinë e Mbikëqyrjes Policore, finalizuan fazën e 32-të të megaoperacionit policor të koduar “Territor i pastër”, i zhvilluar kryesisht në zonën e Malësisë së Krujës.

Strukturat hetimore të Komisariatit të Policisë Krujë dhe ato të DVP Tiranë, në bashkëpunim me Prokurorinë, vijojnë hetimet e thelluara për identifikimin dhe arrestimin e shtetasve të implikuar në këtë veprimtari kriminale.