Struga e trajnerit shqiptar Shpëtim Duro, ka triumfuar me rezultatin 1-0, në takimin e parë të turit të dytë kualifikues të Europa Conference League.
Kampionët e Maqedonisë së Veriut, kanë kryer me sukses, gjysmën e punës ndaj kampionëve të Malit të Zi, Buducnost të Podgoricës.
Golin e vetëm të këtij takimi, të luajtur në Ohër, e realizoi kapiteni i skuadrës shqiptare, milituese në futbollin maqedonas, Ibrahimi.
Duhet theksuar se ky duel ishte i dominuar nga vendasit, me Strugën, që zbriti në fushë, për të marrë rezultatin maksimal. Djemtë e Duros që ishin më të saktë, përballë portës së kundështarit, ndryshe nga të besuarit e trajnerit Milinkovic.
Pas një jave, në Podgoricë, “Shqiponjat” do të tentojnë që të mbrojnë avantazhin e akumuluar nga sfida e parë, me shpresën për t’u kualifikuar në turin e tretë kualifikues, që do t’i jepte një shpërblim të madh nga UEFA.
Discussion about this post