Gjatë 24 orëve të fundit janë shënuar 418 persona të infektuar me koronavirus në vendin tonë, me një rritje të lehtë krahasuar me një ditë më parë. Nga ana tjetër, për fat të keq, nuk e kanë fituar betejën me virusin 4 qytetarë. Ndër të tjera, bëhet me dije se aktualisht në spitalet COVID po marrin trajtim 152 pacientë, nga të cilët 16 janë në gjendje më të rënduar.
Lajmi i mirë është që janë shëruar 451 qytetarë gjatë 24 orëve të fundit, duke e çuar numrin e të shëruarve në 189,044 që nga fillimi i epidemisë. Sakaq, Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Nga këto të dhëna, situata pandemike në vend mbetet në shifra thuajse të njëjta, ndërsa në dy javët e fundit kurba e të infektuarve nuk ka pësuar ndryshim.
Discussion about this post