Dita e premte, do të jetë një ditë vendimtare sa i përket pjesëmarrjes së Juventusit në kompeticionet europiane për sezonin e ardhshëm. Pas sanksioneve të vendosura nga FIGC (Federata Italiane e Futbollit), edhe organi më i lartë i futbollit europian (UEFA) ka vendosur të ndëshkojë bardhezinjtë për parregullsitë me bilnacet dhe skandalin e plusvalencave.
Me shumë mundësi, sipas asaj që raportohet edhe nga mediat ndërkombëtare, Juventusi do të përjashtohet nga kompeticionet UEFA këtë sezon. Kështu, “Zonja e Vjetër” nuk do të marrë pjesë në Europa Conference League.
Sakaq, Juventusi gjithashtu do të gjobitet nga UEFA për shkeljet që ka bërë. Vendin e Juventusit në Conference League do ta marrë Fiorentina që u rendit një vend poshtë bardhezinjve në edicionin e fundit të Serie A.
Duhet thënë se me Juven, UEFA u tregua shumë e ashpër, duke zbatuar rregulloren me përpikëshmëri, megjithatë për skandalet e blerjes së gjyqtarëve, Barcelona “ia hodhi paq” duke u lejuar që të marrë pjesë në Champions League.
Discussion about this post