Një ngjarje e rëndë ka ndodhur në Maliq të Qarkut Korçë këtë të shtunë ku një shtetase 46-vjeçare e quajtur Luiza Mullalli është vrarë dhe hedhur në një gropë pranë banesës nga bashkëshorti i saj, Gjergji Mullalli.
Kjo ngjarje monstruoze ka ngjallur shumë dëshpërim, me mediat shqiptare që kanë siguruar disa video, ku një e afërme e viktimës akuzon bashkëshortin dhe familjen e tij për vrasjen e Luiza Mullallit.
E afërmja shprehet se Gjergji duhet ta paguajë për atë që vrau ose do tu vërë zjarrin të gjithëve si familje.
“Të vraftë zoti, o kriminel i dreqit që nuk u përmbyse në aeroplan. Si nuk ja vura zjarrin pleqve e të tërëve”, shprehet ajo.
Ndërkohë vetë nëna e viktimës, Muazez Ferati ka thënë se vajza e saj sapo ishte kthyer nga puna, ndërsa tregoi se ishin në proces divorci. Ajo deklaroi dhe se vajza e saj ka pasur një jetë të vështirë dhe burri vetëm pinte dhe nuk e ndihmonte.
“Sot vajza kishte ardhur nga puna. Ai bërë atë që bërë. Më vrau vajzën, ngjarja ka ndodhur në drekë. Kishin probleme sepse burri pinte dhe nuk dërgonte asnjë në shtëpi.
Kanë dy vajza dhe një djalë. Ishin të ndarë dhe nuk jetonin në një banesë. Ishin gati në divorc. Dje ishte kontakti i fundit me vajzën. Ai e ka pritur kur ka ardhur nga puna.
Pashë çarçafin lartë, e ka mbytur se çfarë mund t’i këtë bërë tjetër. Më ka vuajtuar vajza gjithë jetën.”, ka treguar nëna e viktimës./BW
Discussion about this post