Një ngjarje e rëndë ka ndodhur në Gjirokastër, ku një e mitur ka ndërruar jetë për shkak të një zjarri në banesën e saj. Flakët i kanë shkaktuar vdekjen të i miturës, Krisanthi Ndriço, e cila nuk u mbijetoi dot plagëve të marra nga flakët. 16-vjeçarja mendohet se nuk ka mundur të dalë në kohë nga banesa për shkak të nevojave speciale që kishte në spektrin e autizimit.
Përveç të miturës, edhe kryefamiljari Irakli Ndrico ka mbetur gjithashtu i lënduar, por mësohet se është jashtë rrezikut për jetën. Paraprakisht mendohet se zjarri nga një mjet ngrohës, por ende versioni nuk është konfirmuar nga grupi hetimor. Gjithashtu ende nuk ka një njoftim zyrtar nga autoritetet lidhur me ngjarjen e rëndë që ka ndodhur në Gjirokastër.
Vetëm pak ditë më parë një tjetër zjarr ra në fshatrat e Gjirokastrës, ku humbën jetën një çift i moshuar. Pikërisht më 17 nëntor 2021, dy të moshuar janë djegur në banesën e tyre në fshatin Hllomo të Dropullit. Çifti Irakli dhe Fotini Panajoti ishin të moshës 87 dhe 83 vjeç. Të moshuarit mësohet se u përpoqën të dilnin nga banesa në flakë por mendohet se janë asfiksuar nga tymi. Forcat zjarrfikëse dhe policia kanë arritur në vendin e ngjarjes rreth 2 orë pas marrjes së njoftimit nga banorët për shkak të terrenit të vështirë, ndërsa fqinjët nuk kanë mundur t’i ndihmojnë të moshuarit, pasi zjarri ka qenë i shpejtë dhe i vrullshëm.
Discussion about this post