Kandidati për kryetar i Partisë Demokratike, Agron Shehaj siç edhe paralajmëroi ka dalë në një komunikim për mediat.
“Po kandidoj sepse udhëheqja aktuale po përpiqet ta kalojë humbjen e 25 prillit si një gjë të zakonshme. Kandidimi im është fillimi i një projekti për ndryshimin e PD”, tha Shehaj.
Më herët, Shehaj ka deklaruar se konkurrimin nuk e sheh si garë për një post, por si një përpjekje të përbashkët me të gjithë demokratët që dëshirojnë që partia të jetë partia e anëtarëve.
