U kap në gjendje të dehur, arrestohet polici/ Emri

Rajmond Xhipo, 58 vjeç, u arrestua nga Agjensia e Mbikqyrjes Policore. Xhipo ishte punonjës i policisë kufitare në Pustec.

Nga raportimet mësohet se Xhipo teksa udhëtonte me automjetin e tij u përfshi në një aksident rrugor. Ndërkohë që ka rezultuar se  drejtonte mjetin në gjendje të dehur. Duket se kaq ka mjaftuar që AMP të vendosë arrestimin e efektivit.

Njoftimi i plotë:

Agjencia e Mbikëqyrjes Policore (Rajoni Elbasan – Korçë) arrestoi në flagrancë punonjësin e Policisë, Inspektor R.XH., 58 vjeç, me detyrë Trup Shërbimi në Stacionin e Policisë Kufitare Pustec, në Drejtorinë Vendore për Kufirin dhe Migracionin Korçë.

Ai dyshohet për veprën penale “Drejtimi i automjeteve në mënyrë të parregullt”.

Sot rreth orës 17:25, duke drejtuar mjetin në rrugën nacionale Korçë – Bilisht, është përfshirë në aksident rrugor me dëme materiale, me një mjet tip furgon.

Nga testet e kryera në vendngjarje ka rezultuar se punonjësi i Policisë kishte konsumuar alkool tej normave të lejuara.

Ai ishte duke shkuar për të marrë detyrën. Materialet procedurale do t’i përcillen Prokurorisë Pranë Gjykatës së Shkallës së Parë të Juridiksionit të Përgjithshëm Korçë.