Gjatë pandemisë qeveria në bashkëpunim me Bankën e Shqipërisë shpallën dy Garanci Sovrane, përmes të cilave bizneset do mund të merrnin kredi pa pasur mbi vete të tërë barrën e interesit. Në lëvrimin e garancive sovrane qeveria tha se bizneseve do t’iu jepet kohë për të shlyer kredinë dhe nëse disa prej tyre nuk munden në afat pagesa do të bëhet një pjesë nga shtetit dhe një pjesë nga bankat, por sikur duket edhe kjo skemë ka qenë pjesë e propagandës.
Pasi, së fundmi Ministria e Financave ka nxjerrë për konsultim publik projektligjin “Huamarrjen shtetërore, borxhin shtetëror dhe garancitë shtetërore të huasë”, përmes të cilit bëhen disa ndryshime në ligjin aktual. Ky projektligj i ri i jep kompetenca Agjencisë së Trajtimit të Kredive-së që të merret me menaxhimin e skemave të Garancive Sovrane, apo çdo skemë të ngjashme që mund të jetë e nevojshme në të ardhmen të miratohet.
Konkretisht, përmes këtij projektligji AKT do të ketë të drejtë të administrojë dhe ruaj e dokumentacionet dhe të dhënave sa i takon skemave të garancive. Në projektligj thuhet se, AKT do mund të bëje dhe verifikimin e regjirasteve të thirrjes së Garancisë për pagesë, në rastet e mospagimit nga Huamarrësi dhe njoftimi i MFE.
Madje, më tutje janë saktësuar edhe procedurat që duhen ndjekur në rastet kur një subjekt ka përfituar kredi përmes garancisë sovrane dhe nuk e shlyen atë. Në këtë rast, detyrimi për të paguar i kalon Ministrisë së Financave, pagesë e cila kryhet përpara dhe pavarësisht rezultatit të verifikimit të aftësisë pagues të huamarrësve. Në rast se nga verifikimet e bëra rezulton se subjekti ka mundësi pagese por nuk i ka shlyer detyrimet, Ministria përgjegjëse për financat, me urdhër kërkon bllokimin e llogarive dhe sekuestrimin e kundra vleftës që ajo ka paguar. Në këto raste aplikohen edhe masa administrative ndaj subjekteve.
Pak ditë më parë Gijotina.com publikoi disa të dhëna ku tregohej se, Drejtoria e Përgjithshme e Tatimeve ka bllokuar llogaritë bankare për më shumë se 32 mijë biznese në vend për shkak se nuk kanë paguar detyrimet që kanë ndaj shtetit. Atëherë i shtojmë edhe numrin e bizneseve që rrezikojnë të njëjtin fat për shkak se nuk kanë paguar garancinë sovrane, rezulton se shumë biznese në vend janë drejtë falimentimit. Në këto kushte, ndryshe nga sa tha, qeveria nuk po i ndihmon bizneset të rimëkëmben, por po iu jep edhe një goditje të fundit drejt humnerës.
E.H/ gijotina.com/
Discussion about this post