Zëdhënësja e Partisë Demokratike zyrtare, Mirela Karabina, i është përgjigjur deputetit Saimir Korreshi, i cili tha se Lulzim Basha nuk është kryetari i PD pasi Këshilli i anuloi zgjedhjet.
Karabina në reagimin e saj shprehet se procesi është legjitim dhe procedura është bërë konform statutit të partisë.
“PD ka hyrë në fazën e riorganizimit, me zgjedhjet e kryetarit dhe ka nisur një rrugëtim si të pandalshëm drejt një alternative qeverisë për shqiptarët.
Që në mbledhjen e parë të Kryesisë pas zgjedhjes së kryetarit është vendosur që Kuvendi do të mbahet më 2 shtator dhe do përcaktohet axhenda politike e PD.
Në Kuvend do fillojë dhe rizgjedhja e organizmave të PD, duke nisur nga Këshilli që do vendosë edhe për kryesinë e PD, edhe degët. Do bëhet rikonstrukturimi që të kemi përfunduar gjatë shtatorit dhe tetorit riorganizimin e PD”, tha Karabina në Report TV.
Sipas saj, grupi parlamentar nuk mund të dalë mbi vendimet e Kryesisë, të cilat duhet të zbatohen.
“Grupi s’mund të dalë mbi vendimet e Kryesisë së partisë, që është një organ vendimmarrës. Nëse Kryesia ka vendosur që do ketë proces zgjedhor, për këtë s’ka diskutim,. Nuk e di ku Korreshi e bazon këtë që ky proces s’do quhet, pasi çdo gjë është në konform të statutit të PD”, tha ajo.
Discussion about this post