Në një intervistë për “Ora News”, Gjergj Hani nuk ishte i bindur nëse Lulzim Basha duhej rizgjedhur si kryetar i Partisë Demokratike dhe kjo është edhe arsyeja që ai hyri në garë.
Ai theksoi se në këto 32 vite, PD ka pasur vetëm fasadën e një force të djathtë dhe se duhet analizë e fakteve dhe çfarë kanë prodhuar aleancat e pamoralshme.
Gjergj Hani: Tentativa ime ishte thjesht një kryengritje morale. Rikthimi i z. Basha nuk më rezultoi bindës. Nuk e konsideroj një humbje të madhe. Me aq mundësi sa kisha për të pasqyruar fushatën elektorale, më votuan gati 11 për qind demokratëve, ndonëse me mundësi shumë të kufizuara. E prisja një gjë të tillë dhe isha i vetëdijshëm. Zgjodhën alternativën. Është mungesa e qartësisë politike, mungesa e vizionit politik.
Alternativa është vetëm një dhe së pari duhen thënë të vërtetat. D.m.th., i ke mundësitë edhe të bësh karrierë politike, por edhe të bësh një mea culpa për atë se çfarë ka ndodhur. Gjendja aktuale ku korrupsioni është sheshit, vjedhje masive, shkelje e të drejtave të njeriut, mohimi i së drejtës nuk është se ndodhën në një ditë. Nuk mundet t’ia importojmë të gjitha këto qeverisjes së Ramës.
Në këto 32 vite PD ka pasur vetëm fasadën e një force të djathtë. Duhet analizë e fakteve dhe cfarë kanë prodhuar aleancat e pamoralshme. E gjitha kjo ka sjellë këtë katrahurë sot. Të gjithë luftojnë për ekzistencën e tyre politike.
Discussion about this post