Tirana luan sot ndeshjen e kthimit ndaj Beshiktashit në kuadër të turit eliminator të Conference League.
Në ndeshjen e luajtur në Turqi, bardheblutë humbën me rezultatin 3-1, ndërsa sot Tirana duhet të bëjë një mrekulli për të arritur kualifikimin.
Interesimi i tifozëve ka qenë mjaft i lartë dhe për këtë arsye është vendosur që të hapet edhe kati i dytë i stadiumit “Air Albania”.
Në stadium pritet të jenë të pranishëm mbi 10 mijë tifozë, ndërsa deri mbrëmjen e djeshme ishin shitur mbi 8 mijë bileta. Çmimet e biletave varionin nga 500 në 15 mijë lekë, ndërsa për tifozerinë turke bileta kushton 15 euro.
Ndeshja do të luhet në orën 20:00.
Skuadra e drejtuar nga trajneri Orges Shehi do të kërkojë të befasojë Besiktas, nisur edhe nga fakti që te bardheblutë nuk ka presion pasi siç edhe pritet, favorite për të kaluar më tej është skuadra turke e Besiktas.
Discussion about this post