Hetimet për “plusvalenca”, në përgjime del emri i Vrionit

Në Itali vijojnë hetimet në lidhje me disa klube që dyshohen për fitime fiktive të kapitaleve, të njohura ndryshe si plusvalenca.

Së fundmi, nga një hetim i Guardia Di Finanza del në pah një përgjim telefonik mes drejtorit të Juventus Next Gen, Giovanni Manna dhe një drejtuesi të Luganos ku përfshihet edhe lojtari i kombëtares, Giacomo Vrioni.

Drejtuesi i bardhezinjve thekson qartë se transferimi i sulmuesit shqiptar te Juventus është bërë vetëm për shkak të plusvalencave.

“Kemi Vrionin në skuadër, por bëhej fjalë për një plusvalencë dhe duhej ta merrnim”, shprehet Manna, drejtuesi i Juventus.

Vrioni kaloi fillimisht nga Sampdoria te të rinjtë e Juventus në janar të vitit 2020, ndërsa ia doli të mbërrinte edhe në ekipin e parë.

Aktualisht, 24-vjeçari është pjesë e Neë England në Amerikë ndërsa ka edhe një eksperiencë me Tirol në Austri.

Juventus është një nga klubet e dënuara për çështjen e plusvalencave dhe në sezonin e fundit skuadrës iu hoqën 10 pikë.