Takon Presidentin, Zhupa: I kërkova të mos dekretojë ligjin për ASH

Deputetja demokrate Ina Zhupa i ka kërkuar gjatë një takimi Presidentit bajram begaj që të mos dekretojë ligjin për Akademinë e Shkencave.

Zhupa deklaroi për mediat se e kishte informuar Presidentin për shkeljet në këtë ligj, që u miratua pa mbledhje të rregullt të Komisionit.

“Ligji për Akademinë e Shkencave shkel kushtetutën, pasi është ligj i qepur si kostum për Gjinushin. i kam kërkuar Presidentit që të mos dekretojë ligjin për Akademinë e Shkencave.

Presidenti shprehu interes për të dëgjuar dhe për të shqyrtuar shkeljet e konstatuara.

Për mua është me rëndësi që procesi të shikohet si proces që nuk ka të bëjë vetëm me akademinë e Shkencave, por gjëra që lidhen drejtpërdrejtë me qeverinë.

E vlerësova presidentin për takimin që organizoi dhe për dëgjesën me mua. Mendoj se presidenti do të respektojë kushtetutën e vendit dhe do të qëndroj në mbrojtje të kushtetutës.”, tha Zhupa.