Të tjera detaje janë zbardhur nga vrasja e ndodhur paraditen e djeshme në Durrës, ku 32-vjeçarja Lulejta Preza, u gjet e pajetë poshtë Urës së Dajlanit.
Sipas dëshmive që i kanë dhënë grupit hetimor 3 vajzat që kanë parë ngjarjen, dhe mbi të cilat rëndon akuza e “fshehjes së krimit”, sherri ka nisur për 2 mijë lekë.
Sipas raportimeve, dy autorët e dyshuar ia kanë kërkuar 32 vjeçares për të blerë ushqime, por ajo ka refuzuar.
Referuar dëshmive, viktima fillimisht është qëlluar me grushte nga dy autorët e dyshuar, tashmë të arrestuar, dhe më pas është goditur disa herë me thikë.
Pas kësaj, autorët e dyshuar janë larguar, sikundër janë larguar edhe tre vajzat, mes tyre edhe 15 vjeçarja, që do të hetohen në gjëndje të lirë për moskallëzim krimi.
Nga hetimet rezultoi se 32-vjeçarja është konfliktuar me dy autorët për motive të dobëta pasi kishin konsumuar lëndë narkotike kokainë së bashku.
Dy të arrestuarit Aldo Brahimi dhe Ylli Grabovari, kanë mohuar akuzat.
Discussion about this post