SPAK e BKH kanë marrë të tjera materiale të zbardhura pas çkodimit të aplikacionit SKY nga autoritetet belge e franceze.
Sipas informacioneve, nga bisedat në SKY janë zbuluar lidhje të reja të politikanëve me krimin e organizuar, të cilat po verifikohen nga hetuesit e BKH dhe prokurorët e SPAK.
Ende nuk dihet se sa materiale kanë mbërritur në duart e prokurorëve specialë nga partnerët ndërkombëtarë, por sipas raportimeve janë të paktën 300 raste që po verifikohen për përfshirjen e efektivëve dhe zyrtarëve të policisë, kryebashkiakëve, zyrtarëve të niveleve të ndryshme, banikierëve, apo njerëzve të drejtësisë, në komunikime me ata që konsiderohen si njerëz të krimit.
Pak ditë më parë me urdhër të SPAK u finalizua operacioni Metamorfoza, ndërsa u lëshuan 15 urdhër-arresti, ndërkohë që në fazë hetimesh janë të tjera raste të ngjashme, ku sipas raportimeve dalin në pah lidhjet mes krimit të organizuar, biznesit, politikës, zyrtarëve policorë dhe segmenteve të drejtësisë.
Nuk dihet nëse në ditët në vijim, SPAK do të vijojë fazat e tjera të operacionit “Metamorfoza”, sikundër u pagëzua operacioni i parë.
Discussion about this post