A do të krijoni një parti të re? Ja ç’thotë Berisha

Kreu demokrat Sali Berisha tha se nuk ka ndërmend të krijojë një parti të re, ndërsa theksoi se demokratët e kanë shprehur vullnetin e tyre tashmë.

Berisha tha se do të udhëheqë demokratët dhe opozitën në përballjen me Kryeministrin Edi Rama.

“Ne nuk krijojmë, nuk na e ndryshon kush emrin ne. Ne jemi PD. Ne e nisëm betejën tonë kundër regjimit.Sot është një mbledhje shumë e rëndësishme.
Askush nuk mund t’u tjetërsojë demokratëve identitetin. Do jetë një përballje me Edi Ramën me të gjitha potencialet që ka kjo parti”, tha Berisha.

Reagimi i kreut të demokratëve vjen rreth 1 javë pasi Lulzim Basha mori drejtimin e PD-së zyrtare, duke u votuar nga mbi 16 mijë anëtarë të kësaj partie, në një proces të kontestuar nga shumica e deputetëve demokratë dhe anëtarëve të Këshillit Kombëtar.

Ai ka denoncuar aferën e inceneratorëve, duke ripërsëritur akuzat për kreun e ILD-së, Artur Metani, për të cilin tha se rezulton i implikuar në aferën e inceneratorëve.