Pas rreth dy orësh, deputetja socialiste Anila denaj, ish-ministre e Financave, ka lënë ambientet e Prokurorisë Speciale, ku është pyetur për koncensionin e sterilizimit.
Denaj tha se kishte dhënë sqarime lidhur me kohën kur ka qenë ministre, ndërsa ishte thirrur nga SPAK si person që ka dijeni.
Ish-ministrja Denaj u shpreh se ishte pyetur në lidhje me çështjet që ka pasur dijeni gjatë kohës kur ishte drejtoreshë e shërbimeve mbështetëse në Ministrinë e Financave.
“U pyeta për informacionet që kam në dijeni gjatë kohës që kam qenë drejtoreshë e shërbimeve mbështetëse në Ministrinë e Financave, në kohën kur ka nisur koncesioni i sterilizimit”, tha Anila Denaj.
Lidhur me koncensionin e sterlizimit janë marrë në pyetje kohë më parë ish-ministri I Shëndetësisë, Ilir Beqaj si dhe ish-zv.ministri Klodian Rrjepaj.
SPAK ka nisur hetimet për këtë koncension lidhur me mënyrën dhe kronologjinë e miratimit të fituesit, por edhe për faktin se me përjashtim të vitit të parë kur janë paguar 12 mln euro, në vitet e mëpasshme pagesa është rritur me 5 mln euro.
Sterilizimi është një nga çështjet e para që është denoncuar në SPAK jo vetëm nga opozita, por edhe nga mjekë të angazhuar me shoqërinë civile, që e kanë cilësuar si një abuzim të pastër dhënien me koncension të këtij shërbimi.
Anila Denaj ka shërbyer si ministre e Financave nga Janari 2019 deri në Shtator të vitit 2021.
Discussion about this post