Muaji nëntor ka sjellë një numër të konsiderueshëm të aksidenteve rrugore, ku sipas statistikave, ky muaj ka shënuar rreth 140 aksidente me 12 viktima dhe mbi 180 të plagosur.
Nëntori mund të quhet muaj që ka sjell një numër të konsiderueshme viktimash, ku krahasuar me një muaj më parë, ky bilanc ka qenë më i vogël. Referuar INSTAT, gjatë këtij muaji janë shënuar mbi 140 aksidente, të cilat kanë sjellë deri tani 12 viktima. Gjithashtu si pasojë e këtyre aksidenteve janë lënduar, por, fatmirësisht jashtë rrezikut për jetën mbi 170 qytetarë.
Krahasuar me një muaj më parë, edhe pse nëntori nuk është mbyllur ende, bilanci është negativ, pasi tetori u mbyll me 127 aksidente, që sollën 14 viktima dhe mbi 180 të plagosur.
Tirana, Lezha, Fieri dhe Durrësi mbeten qarqet më problematike, sa i përket numrit të lartë të aksidenteve që ndodhin. Aksi rrugor Milot-Lezhë, kryqëzimi i Laknasit dhe rruga e Rinasit në Tiranë si dhe rreth-rrotullimi i Kolonjës në aksin Lushnjë-Fier po cilësohen përherë dhe më shumë si “rrugë të vdekjes”.
Siguria rrugore përbën një ndër sfidat kryesore në fushën e sigurisë në Shqipëri, pasi infrastruktura rrugore lë për të dëshiruar duke u bërë shpesh herë burim për aksidente.
Discussion about this post