Ambasada Gjermane në Tiranë ka publikuar sot rregullat e reja për të gjithë ata që duan të aplikojnë për vizë pune në Gjermani. Përmes këtij njoftimi në faqen e saj zyrtare ambasada thekson se, rregullat e reja janë për personat nga Ballkani Perëndimor.
Sipas ambasadës ky ndryshim do të bëhet për shkak të kërkesës tejet të lartë për orare aplikimi për vizë. Për këtë arsye është vendosur që oraret të përcaktohen përmes një shorti elektrik. “Personat e interesuar do të kenë mundësinë që nga data 1 dhjetor në orën 09.00 deri më 17 dhjetor në orën 12.00, nëpërmjet sistemit online të caktimit të orareve të aplikimit të ambasadës të shprehin interesin e tyre për procedurën e shortit. Mes të gjitha kërkesave të regjistruara përmes një shorti kompjuterik do të përzgjidhet, se kush do të marrë një orar aplikimi për periudhën janar deri fillim shkurti 2022. Procedura e shortit do të realizohet secilën herë në Ministrinë e Jashtme Federale në Berlin nën mbikëqyrjen e disa personave”, thuhet në njoftimin e ambasadës.
Ndër të tjera, ambasada njofton se, nuk lejohen regjistrimet e shumëfishta; dyshimet në të dhëna, si dhe angazhimi i palëve të treta. Në përfundim kërkohet që të mos bëhen tentativa korruptive për të përfituar takime ekstra.
Discussion about this post