Britma dhe vajza të gjakosura, dalin pamjet nga sherri në Prishtinë

Një i vrarë dhe 17 të plagosur kanë mbetur si pasojë e sulmit me armë zjarri mbrëmjen e së premtes në lokalin “Bon Vivant” në Prishtinë.

Klientët që kanë qenë dëshmitarë të kësaj ngjarjeje kanë filmuar momentin kritik.

Në një video të shpërndarë në rrjete sociale, shihen persona të plagosur teksa iu jepej ndihma e parë.

Kastriot Ramadani vdiq nga ai sulm si pasojë e të shtënave me armë zjarri në lokalin “Bon Vivant”, pas një përleshjeje mes dy grupeve.

Hysi Geci (pjesëtar i FSK) ishte nën shoqërinë e Dukagjin Nikollajt, i njohur me nofkën “Duka”. Së bashku me ta ishte edhe Kastriot Ramadani, i cili më vonë mbeti i vrarë.

Këta e kishin ftuar Andi Pajazitin, i njohur me nofkën “Italiani” në tavolinën e tyre. Për shkak të një konlfikti të mëhershëm ata e sulmuan “Italianin” me një shishe birre. Pas kësaj grupet nxorën armët dhe gjuajtën në drejtim të njëri-tjetrit.

Të lënduar nga përleshja mbetën 17 persona, 3 djem dhe 14 vajza.