Ish-deputeti i AAK-së, Daut Haradinaj ka vizituar ditën e sotme familjet e të viktimave nga sulmi që iu bë autobusit në fshatin Gllogjan.
Përmes një statusi në Facebook, Haradinaj ka thënë se shpreson që dora shqiptare nuk e ka bërë këtë vepër të rëndë kriminale, teksa shprehet se do donte që askush të mos e ndjente këtë lloj dhimbjeje.
“Shpresoj që dora shqiptare nuk e ka bërë! Florim e Beqë, shpresoj që Zoti ua din. Kisha pas dëshirë që asnjë shqiptar, kurrë mos me pas kësi dhimbje!”, ka shkruar Haradinaj.
Me 26 nëntor rreth orës 19:00 një autobus që po transportonte nxënësit u sulmua me armë zjarri, ku si pasojë e sulmit mbetën të vdekur shoferi i autobusit dhe dy nxënës që kishin qenë duke udhëtuar me autobusin e sulmuar.
Policia ende nuk ka arritur të identifikojë autorit apo autorët e këtij krimi, ndaj teksa hetimet vijojnë për të rënë në gjurmët e tyre, policia ka njoftuar se kushdo që do t’i ofrojë informacion do të marrë një shpërblim prej 20 mijë eurove.
Discussion about this post