Shërbimi i sigurisë kombëtare të Ukrainës ka bërë me dije se ka stopuar në kohë një sulm kibernetik rus ndaj sistemit luftarak të forcave të armatosura.
Mediat e huaja shkruajnë se hakerët rusë u përpoqën të depërtonin në qendrën e informacionit luftarak të Forcave të Armatosura të Ukrainës për të hyrë në “informacione të ndjeshme” në lidhje me vendndodhjen e trupave dhe mbështetjen e tyre teknike.
Sulmi u nis nga një ekip i sofistikuar rus, i njohur si Sandëorm.
“Si rezultat i masave komplekse, SBU ekspozoi dhe bllokoi veprimet e paligjshme të hakerëve rusë, të cilët u përpoqën të depërtonin në rrjetet ushtarake të Ukrainës dhe të organizonin mbledhjen e inteligjencës,” thuhet në postimin e tyre.
Specialistët kibernetikë zbuluan se hakerët kishin planifikuar të përdornin tableta ushtarake ukrainase për të përhapur viruse në sistemin e betejës, shtoi ai.
Ndërkohë Ukraina ka raportuar një rritje të përpjekjeve ruse për të hakuar sistemet kompjuterike që i përkasin qeverisë, forcave të armatosura dhe sektorit të energjisë.
Rusia i ka mohuar vazhdimisht akuzat.
Discussion about this post