Dy shqiptarë dhe një rumun do të dalin para Gjykatës të hënën e ardhshme në lidhje me një konfiskim të rëndësishëm droge në Cork, fundjavën e kaluar.
Ata dolën në një seance speciale të Gjykatës së Qarkut në Cork të dielën në mbrëmje, të akuzuar në lidhje me sekuestrimin e 60 kilogramëve kokainë me një vlerë prej mbi 4 milionë euro, nëse droga do të shitej në rrugë.
Gentjan Dodaj dhe Donatel Dodaj me të njëjtën adresë u akuzuan së bashku me Daniel Afedoaei, për posejdimin e drogës. Gentjan Dodaj, 39 vjeç, mbërriti në seancë dëgjimore me një triko në kokë, për të mbuluar fytyrën. Ai nuk foli gjatë seancës.
Ndaj tij u paracaktua një avokat i shtetit pasi Dodaj kohët e fundit kishte nisur një biznes dhe kishte mbetur pa para.
Donatel Dodaj kishte mbërritur në ishull 4 javë para arrestimit dhe ai banonte në të njëjtën adresë me vëllain e tij, Gentjanin.
Asnjë prej të pandehurve nuk bëri kërkesë për lirimin me kusht. Të tre të arrestuarit janë dërguar në paraburgim.
Sekuestrimi i drogës ndodhi pas një operacioni të udhëhequr nga inteligjenca që synonte persona të dyshuar për përfshirje në krimin e organizuar, një operacion i përbashkët u krye nga Byroja Kombëtare e Drogave dhe Krimit të Organizuar dhe personeli pranë Shërbimit Doganor të të Ardhurave.
Discussion about this post