Pak kohë më parë, momenti kur Kryeministri Edi Rama, përqafonte kryeministren e Italisë Georgia Meloni, gjatë një takimi të Komuniteti Politik Europian, në Moldavi, tërhoqi vëmendjen e mediave shqiptare, por jo vetëm.
Në një intervistë për median italiane “La Stampa”, Rama ka folur si rrallë herë për marrëdhënien me homologen italiane Georgia Meloni, për të cilën ka shprehur admirimin e tij si politikane.
“Unë e admiroj Georgia Melonin. Ajo është motra e vogël e Shqipërisë dhe unë jam një vëlla i vjetër i Italisë dhe e kemi njohur njëri-tjetrin si të tillë në Tiranë, ku jemi përqafuar dhe kemi folur me njëri-tjetrin.
Giorgia jo për mua, por për klubin euroatlantik është një surprizë e madhe. Në të gjitha rrethanat ndërkombëtare ajo shihet me respekt të prekshëm, ka karizëm dhe thotë të gjitha gjërat e duhura. Jam 198 cm i gjatë, por kur flet duket më e gjatë se unë”, tha Rama.
Discussion about this post