Nënkryetari i Këshillit Bashkiak të Tiranës, Dorian Teliti ka diskutuar rreth rënies drastike të euros dhe fuqizimit të lekut shqiptar, teksa rendit se cilët janë përfituesit dhe humbësit nga ky fenomeni.
I ftuar në SYRI TV, Teliti është shprehur se përfituesit më të mëdhenj janë importuesit e mallrave të konsumit, ndërsa humbasin prodhuesit eksportues.
Teliti tha se si pasojë e humbjes së bizneseve të prodhimit dhe eksportit çdo ditë humbasin punën rreth 150 persona.
“Ata që përfitojnë janë dy aktorë, dhe nga këtu kuptohet se kush nuk ka përfituar. Ka përfituar një grusht importuesish të mëdhenj të cilët kryesisht importojnë dhe produkte ushqimore , pasi e kanë blerë më lirë mallin e tyre jashtë republikës së Shqipërisë dhe i kanë importuar brenda vendit. Nga ana tjetër çfarë ka ndodhur? Kemi parë ne rënie të cmmilit të mallrave të konsumit?! Jo! INSTAT-i doli pardje me publikimin e radhës për inflacionin e muajit korrik dhe tha qartë dhe thjeshtë: pjesa dërrmuese e rritjes s ëçmimeve vjen pikërisht nga niveli i lartë i rritjes së çmimeve të mallrave të konsumit.
Nga ana tjetër ka fituar qeveria sepse merr dhe më tepër të ardhura, vjen në skenë me financa publike por njëkohesisht del me krenari dhe thotë se ka ulur stokun e borxhit publik. Duket sikur është ulur niveli i borxhit publik por realisht nuk është ulur. Pra, nuk është si pasojë e mirmenaxhimit financiar dhe ecurisë pozitive të ekonomisë por është thjehstë si pasojë e faktit që është ulur kursi i këmbimit. Kush janë humbësit e kursit të këmbimit? Të parët janë ata që e ngritën alarmin, prodhuesit eksportues. Sidomos seksori fason ka humbje.
Po flasim përafërsisht për 800 biznese fasone të cilët kanë të paktës 70,000 familje në punë . Këta jo që nuk kanë fitim por kanë filluar të kenë humbje. Çdo ditë bizneset fasone hedhin nga puna 150 veta. Këtë e deklaroi dje përfaqësuesja e shoqatës ‘Pro Eksport’, tha Teliti.
Discussion about this post