Sali Berisha ka bërë publike tashmë edhe 7 faktet, që sipas tij, Erion Veliaj është padroni i djegësit të Tiranës. Gjatë një konference për mediat në mesditë, Berisha tha se, Veliaj po tenton të shfaqet ose si viktimë, ose si myshteri i Klodian Zotos dhe Mirel Mërtirit.
Berisha tha se, Erion Veliaj, padroni i djegësit të Tiranës për të çelë dyert e aferës e vjedhjes së shekullit, duke treguar se ai ndryshoi strategjinë e trajtimit të mbetjeve, nga strategji depozitim, seleksionim, riciklim dhe zgjerim i landfillit në djegie me koncension me inceneratorin e Tiranës.
Berisha theksoi gjatës deklaratës së tij se, përfaqësuesit e Erion Veliajt në komisionin e dhënies së koncensioneve kanë luajtur rol përcaktues në dhënien e bonusit prej 8 pikësh, sipas porosisë së këtij të fundit.
Berisha tha se, Erion Veliaj është arkitekti i djegësit prej 128 milionë eurosh, i cili duhet të ndërtohej me paratë e koncensionarit, por më vonë u tha se do të ndërtohej me paratë taksapaguesve shqiptarë.
Sali Berisha tha se, pas çdo fakti që paraqitet në këtë deklaratë, Erion Veliaj fshihet pas çdo veprimi kriminal të bërë.
Ja shtatë faktet që Berisha ka renditur ndaj Veliajt, që sipas tij, janë domethënëse për të dëshmuar se kryetari i Bashkisë së Tiranës është padroni i inceneratorëve në Tiranë.
1.Ndryshimi i strategjisë
2.Ndryshimi në koncesion privat
3.Bonusi për kompani që nuk ekziston
4.Insistimi pas refuzimeve
5.Falsifikimi
6.Tarifimi pas asnjë djegie
7.Ndryshimi i pronarëve
Discussion about this post