Makina del nga rruga në Bulqizë, 2 të plagosur

Një aksident me pasojë dy të plagosur ka ndodhur në aksin rrugor Bulqizë – Gurët e Skënderbeut në vendin e quajtur Vajkal.

Ngjarja ka ndodhur rreth orës 20:00 të mbrëmjes, ku makina tip Benz ka dalë nga rruga duke përfunduar në livadh, informon policia e Bulqizës.

Drejtuesit e tjerë, të cilët lëviznin në këtë aks rrugor kanë njoftuar policinë dhe ambulancën.

Sipas mjekëve, dy personat që udhëtonin në automjet kanë marrë plagë të rënda dhe janë dërguar në spital.

Ende nuk dihet cilat janë shkaqet e aksidentit.