Në pikat e kalimit kufitar me Serbinë vazhdon të ketë kolona dhe pritje të gjata të bashkatdhetarëve, por tani të atyre që po kthehen nga pushimet në Kosovë.
Sipas Qendrës Kombëtare për Menaxhimin Kufitar (raporti i orës 20:44), pritjet më të gjata janë në Merdar. Në këtë pikëkalim kufitar për të dalë nga Kosova bashkatdhetarët po presin deri në tri orë e gjysmë, kurse nuk ka pritje për të hyrë në Kosovë. Kolona e automjeteve brenda Kosovës është deri në 800 metra.
Ndërsa, te Dheu i Bardhë për të dalë nga Kosova po pritet deri në 80 minuta, kurse 30 minuta për të hyrë brenda territorit tone.
Deri në 70 minuta po presin bashkatdhetarët në vendkalimin kufitar në Muçibabë për të dalë dhe një orë për të hyrë në Kosovë.
Pritje deri në 60 minuta për të dalë nga Kosova ka edhe në Jarinjë.
Në vendkalimet e tjera kufitare nuk raportohet për kolona, pasi pritjet për të hyrë dhe për të dalë nga Kosova janë 3-5 minuta.
Discussion about this post