Policia e Shtetit njoftoi se ka arrestuar drejtuesin e mjetit që aksidentoi dy ditë më parë inspektoren Arta Shurbi.
Efektivja Arta Shurbi kishte shkuar në Vorë, pasi ishte raportuar për një aksident të dy makinave në afërsi të një pike karburanti. Shurbi është përplasur teksa ka qenë në vendngjarje, ku një mjet tjetër ka ardhur dhe e ka marrë përpara.
Kjo nuk ishte hera e parë që efektivja ka mbetur e plagosur teksa ka qenë në shërbim. Në vitin 2021 ajo u përplas tek Kthesa e Kamzës nga një kamion.
Njoftimi i Policisë:
U arrestua S. B., 63 vjeç, banues në Fier, pasi duke drejtuar automjetin e tij, është përplasur me automjetin me drejtues shtetasin J. S., 29 vjeç.
Si pasojë e përplasjes së mjeteve është dëmtuar punonjësja e Policisë, inspektore A. Sh., e cila ndodhet në spital, jashtë rrezikut për jetën.
Discussion about this post