Dëbora në aksin Bilisht-Kapshticë, problem për kalimin e automjeteve

Kanë filluar me intensitet reshjet e dëborës, në segmentin rrugor Bilisht-Kapshticë.

Mjetet borëpastruese janë në terren dhe po bëhet pastrimi dhe hedhja e kripës. Autoritetet bëjnë apel që drejtuesit e mjeteve të jenë të kujdesshëm në lëvizje dhe të respektojnë sinjalistikën rrugore.

Këshillohet reduktim shpejtësie, pajisje me zinxhirë dhe goma dimërore. Dëbora vazhdon edhe në Dardhë e Voskopojë.

Në disa akse rrugore, kryesisht në bypass-in e rrugës së Arbrit dhe në Qafë Murrizë është  vështirësuar qarkullimi i automjeteve, si pasojë e reshjeve të dëborës dhe e mospërdorimit të zinxhirëve nga drejtuesit e automjeteve.