Klodian Zoto është një nga personazhet e shpallur në kërkim nga SPAK për aferën korruptive të inceneratorëve.
E ndërsa emri i tij ndodhet në listën e personave të shpallur në kërkim, kreu demokrat Sali Berisha deklaroi sot se Zoto ndodhet në Vlorë, atje ku po merr rreze dielli.
“Ku është Klodian Zoto, çfarë bën? Zoto rrezatohet, bronzohet mirë e bukur në Vlorë. Dhe në dispozicion të Klodian Zotos, ua them me përgjegjësi të plotë, nga persona që nuk u shpëton gjë, kjo është vetura me të cilën shëtit Klodian Zoto dhe e kujt është thoni ju, është e ‘Integrate Energy’ që tani e ka agjencia shtetërore e mbikëqyrjes së djegësit të Tiranës”, tha Berisha.
Discussion about this post