Një debat i fortë ka plasur mes deputetit demokrat Enkelejd Alibeaj dhe sekretarit të Partisë Komuniste në Shkodër, Gjon Bruci. Ky i fundit i doli në krah deputetit Bujar Çela, i cili një ditë më parë uroi festën e Pavarësisë me foton e Enver Hoxhës.
“Mbi 70% sot kërkojnë kohën e Enver Hoxhës dhe Bujar Çela vjen nga baza ndaj ka këto mendime. Alibeaj ka 30 vjet bashkë me Milon i kanë pas zyrat dhe mund të hapnin dosjet e thonit që Bruci ka dënuar këtë dhe këtë. Ne qeshim me njeri-tjetrin. Çela thotë një të vërtetë të thjeshtë që nëse ka një person që gjyshi par gjyshja ka drejtuar luftën le të vijë këtu. A e kuptoni që në Shkodër nuk festohet 29 Nëntori, Këtu bëhet fjalë për të zhdukur luftën. Alibeja e di shumë se nipi i kujt është” – është shprehur Gjon Bruci.
Mirëpo teksa fliste Bruci, deputeti i Partisë Demokratike, Enkelejd Alibeaj ka shpërthyer kundër tij, madje duke i kërkuar të mbyllë gojën. Sipas tij, është keqardhje për brezat që po rriten tani me këtë frymë.
“E kupton sesa ke keq është shoqëria shqiptare që u jep hapësirë fantazamave të tilla. Kjo shoqëroi ka 30 vite që nuk ka bërë asnjë akt pendese për aktet që ka bërë. E kuptoni sesa fatkeq jemi, do e mbyllësh gojën ti tani se të dëgjova. Keqardhje për brezat që po rriten tani me këtë frymë. 30 vite tranzicioni i stërzgjatur, nuk e dimë sesa ka të internuar. Ne si shoqëri duhet ta kalojmë këtë të gjithë. Ne kemi frikë që të hapim dosjet. PS sa ka ardhur ka shfrytëzuar ligjin” – është shprehur Alibeaj.
Discussion about this post