Italia në zi për vdekjen e gazetares së njohur

Italia po mban zi për gazetaren Michela Murgia, e cila ndëroi jetë në moshën 51-vjeçare pas një beteje me kancerin.

Michela Murgia e cila në vitin 2010 fitoi një nga çmimet më të rëndësishme letrare italiane, Premio Campiello njoftoi në maj se kishte kancer në veshka të fazës së katërt.

Në të njëjtën intervistë, ajo tha se dëshira e saj ishte të vdiste kur kryeministrja Georgia Meloni të mos ishte më në krye të qeverisë duke thënë se ajo e konsideron qeverinë e saj “fashiste”. Në atë kohë, Meloni ishte përgjigjur se edhe ajo shpresonte që Michela Murgia do të jetonte aq sa për të parë një kryeministër tjetër.

E lindur në vitin 1972 në qytetin Campras të Sardenjës, ajo bëri debutimin e saj letrar në vitin 2006 me romanin “Il Mondo Deve Sapere” (Bota duhet të dijë), një satirë mbi shfrytëzimin e qendrës telefonike të telemarketingut, e cila u shndërrua në një shfaqje me të njëjtën titull, ndërsa mbi të u bazua skenari i filmit të vitit 2008 “Tutta la Vita Davanti” (E gjithë jeta përpara).

Romani i saj i vitit 2009 ‘Accabadora’ fitoi çmime, duke përfshirë Campiello dhe Çmimin Ndërkombëtar Letrar Mondello.