Është mbyllur miqësorja e shumëpritur mes Partizanit dhe Romës, një test në prag të nisjes së sezonit për skuadrën italiane, si dhe një ndeshje historike për kampionët e Shqipërisë.
Ashtu si pritej, miqtë triumfuan me rezultatin 2-1, por në këtë sfidë, rezultati nuk kishte rëndësi.
Në “Air Albania Stadium”, tifozët kaluan dy orë zbavitëse, me trajnerin portugez të Romës, Jose Mourinho, që entuziasmoi të pranishmit, vetëm me prezencën e tij, në Tiranë.
Përsa I përket vetë takimit, duhet theksuar se Roma, nuk luajti me 100% të potencialit të saj, duke e ditur që takimi ishte, thjesht, një “show” i bukur e i këndshëm, që nuk shihet shpesh nga këto anë.
Duke anashkaluar (deri diku) golat e Romës, momenti që mund të mbahet mend, nga publiku shqiptar, është goli I shënuar nga Tedi Cara, me penallti.
Pas përfundimit të kësaj sfide, Roma do të kthehet menjëherë në Itali ku do të përgatitet për ndeshjen e parë të kampionatit, ndaj Salernitanës.
Partizani, nga ana e tij, do të masë forcat me Valmieran, në ndeshjen e vlefshme për turin e tretë kualifkues të Conference League.
Discussion about this post