Pajtimi mes PSG-së dhe Kylian Mbappé pas dy muajsh me një marrëdhënie totalisht të prishur, ka nisur të marrë formë. Sulmuesi nga Bondy është falur nga Nasser Al Khelaïfi dhe sot i është bashkuar dinamikës së skuadrës së Luis Enrique, pasi u nda nga turneu parasezonal i Azisë disa javë më parë dhe u largua nga stërvitjet e përbashkëta.
“Pas disa bisedave shumë konstruktive dhe positive, mes Paris Saint-Germain dhe Kylian Mbappé, para ndeshjes PSG-Lorient, lojtari u rikthye në stërvitje këtë mëngjes me ekipin e parë”,- thuhet në njoftimin e klubit parizian.
Ky skenar i ri supozon një kthesë të re skenari në telenovelën e së ardhmes së Mbappé. Futbollisti kishte synimin e vendosur të vazhdonte në Paris deri në vitin 2024 për t’u larguar falas, por drejtuesit po mendonin vetëm për një rinovim, apo një transferim këtë verë. Tani në “Parque de los Príncipes” rritet optimizmi me të cilin sulmuesi francez mund të përfundojë, duke zgjatur kontratën deri në vitin 2025 për t’u larguar i transferuar në 2024.
Dje “Canal+France” raportoi se disa takime mes dy palëve ishin zhvilluar, pas disa javësh me marrëdhëniet midis Mbappe dhe Nasser të prishura totalisht, sepse lojtari ndihej i mashtruar nga klubi dhe presidenti.
Riintegrimi i Mbappes në dinamikën e sulmuesit në skuadrën e Luis Enrique është një simptomë se situata po zbërthehet. Trajneri asturian tashmë shprehu dëshirën e tij të premten, që klubi dhe lojtari të arrijnë një mirëkuptim.
“Kjo ka ndodhur tashmë në të kaluarën dhe shpresoj të ndodhë përsëri”,- tha ish-trajneri i Spanjës. Dje lojtari ishte dëshmitar i debutimit të PSG kundër Lorient (0-0) në tribunë me Dembélé dhe zbriti në dhomat e zhveshjes për të brohoritur shokët e tij të skuadrës para dhe pas ndeshjes.
Ndërkohë, Madridi as nuk ka lëvizur dhe as nuk e ka ndërmend. Bardhezinjtë kanë pritur që PSG të komunikojë çmimin e transferimit, diçka që nuk ka ndodhur dhe ky skenar i ri mund të bëjë që Madridi të çaktivizojë menjëherë interesin e tyre nëse konfirmohet se Mbappé është afër rinovimit me klubin parizien. Seriali është ende i gjallë.
Discussion about this post