Një 34-vjeçar ka rënë në prangat e policisë së Fierit, pasi në gjendje të dehur duke drejtuar mjetin Alfa Romeo” ka goditur shtyllën e semaforit.
Mësohet se, ngjarja ndodhi në vendin e quajtur “Shesh Turizmi”, ku pas përplasjes shtylla është rrëzuar dhe ka goditur lehtë në këmbë një këmbësor që ndodhej aty pranë.
“Specialistët e Sektorit të Qarkullimit Rrugor në DVP Fier arrestuan në flagrancë shtetasin F. B., 34 vjeç, banues në Fier pasi në vendin e quajtur “Shesh Turizmi”, Fier, duke drejtuar në gjendje të dehur automjetin tip “Alfa Romeo” ka goditur shtyllën e semaforit e cila është rrëzuar dha ka goditur lehtë në këmbë shtetasin K. L., i cili pasi mori mjekim në spital u largua për në banesë”, thuhet në njoftimin e policisë.
Shoferi i automjetit ndodhet në paraburgimin e Fierit, ndërsa materialet i kaluan prokurorisë për veprime të mëtejshme.
Discussion about this post