Një 66-vjeçar, i angazhuar në strukturat apo zyrat elektorale të Partisë Socialiste, është kthyer në makth për një vajzë të re, e cila mendonte se angazhimi në politikë, do e ndihmonte të gjente një vend pune në administratën shtetërore.
E reja është detyruar që t’i drejtohet policisë dhe të kërkojë ndihmë për të shpëtuar nga 66-vjeçari, të cilin e kishte njohur në zyrat e PS-së.
Fashikulli, që transmetohet nga Top Channel, tregon se në disa raste 66-vjeçari i shkroi mesazhe kërcënuese se do ta vriste nëse ajo krijonte një lidhje tjetër. Burri për një kohë të gjatë frekuentoi të njëjtat vende ku qëndronte edhe e reja, për të cilën nëna e saj kujton në polici se e njohu mbasi familja i kishte sygjeruar të hynte në politikë sepse gjente punë të mirë.
“Personin e kam njohur në zyrat e forumit rinor të një partie Socialiste ku ai ishte një ndër drejtuesit. Më premtoi se me mbylljen e rezultatit të zgjedhjeve do më ndihmonte të punoja si drejtoreshë në një institucion”.
Por vajza jo vetëm që nuk u punësua, por ajo u nda nga i dashuri dhe më pas mori mesazhe kërcënuese e ndjekje këmba këmbës. Nën sugjerimin e familjes se po mashtrohej, e reja ndryshoi adresë duke u punësuar diku tjetër. Ndërkohë që i tha policisë se për shkak të shqetësimeve u shtrua në spital mbasi kishte tentuar të vetëvritej. i dyshuari u arrestua për përndjekje dhe aktualisht mbahet nën arrest shtëpie me vendim gjykate. Por edhe 66 vjecari ka dhënë versionin e tij për policinë duke kujtuar se kishte kërkuar urdhër mbrojtjeje dhe se me vajzën pati një lidhje pesë vjeçare, në fund të të cilës e telefononte për ta pyetur mbi jetën.
Përndjekja parashikohet në Kodin Penal si një vepër kundër moralit dhe dinjitetit. Prokuroria e përgjithshme deklaron se krahasuar me dendësinë e popullsisë për 100 mijë banorë, ky krim rezulton më tepër i kryer në qytetin e Korçës dhe të Fierit.
Discussion about this post