Roberto Mancini dha dorëheqjen në mënyrë të beftë nga stoli i kombëtares së Italisë, ndërsa Federata italiane u kap disi e papërgatitur nga ky vendim i teknikut. Dorëheqja e Mancinit vjen pak ditë para se skuadra italiane të nisë ndeshjet eliminatore të Euro2024, çka e detyron Federatën që me shpejtësi të gjejë një trajner të ri.
Mancini e udhëhoqi Italinë drejt fitimit të kampionatit europian 2020, teksa qëndroi 5 vite në krye të kombëtares italiane. Pas dorëheqjes së Mancinit, mediat italiane zbuluan se qëndron Arabia Saudite. Sipas mediave italiane, Mancini ka marrë një ofertë të majme nga Arabia për të marrë drejtimin e kombëtares arabe të futbollit.
Ndërkohë janë zbuluar edhe detaje të kësaj oferte të majme në drejtim të Mancinit. Sipas mediave italiane, Mancinit i janë ofruar 60 milionë dollarë në vit për 4 vitet e ardhshme, ose 240 milionë dollarë në total.
Kjo ofertë ka tunduar jo pak Mancinin, që ka dhënë dorëheqjen nga kombëtarja e Italisë për të pranuar ofertën e Arabisë.
Discussion about this post